Кукмарада иренә тән җәрәхәтләре ясауда гаепләнүче 39 яшьлек хатынны хөкем итәчәкләр

Кукмара районы прокуратурасы 39 яшьлек хатын-кызга карата җинаять эше буенча гаепләү актын раслады. Ул корал сыйфатында кулланыла торган предметны кулланып, аңлы рәвештә сәламәтлеккә җиңелчә зыян салуда гаепләнә.

Сорау алу версиясе буенча, 2025 елның 22 августында 03 сәгать 45 минут тирәсендә исерек хәлдәге хатын-кыз аш бүлмәсендә булганда, зыян күрүче белән ачуланыша һәм, өстәлдән кухня пычагын алып, аның сул ботына бер тапкыр суга.

Эксперт бәяләмәсе буенча, зыян күрүченең сул ботына хирургик җөйләр салынган, сәламәтлегенә җиңел зыян килгән, аның дәвамлылыгы өч атнадан да артмаган (21 көннән дә кимрәк).

Тикшерү барышында хатын-кыз гаебен тулысынча таныды, кылган эшенә үкенде.

Җинаять эше карау өчен җәмәгать судына җибәрелде.