Питрау җитте, җәй беттеме әллә?

Ел буена көтеп алынган җәй үтеп бара түгелме: иртәгә 12 июль - Питрау бәйрәме бит! Питрау җитте, җәй бетте, ди халык. Чыннан да, Питраудан соң кошлар сайраудан туктый, үләннәр саргая башлый, дару үләннәренең шифасы бетә. Җәйнең ямен тоя алмый калдык микәнни быел? Өзлексез яңгырлар, салкын көннәр тәмам үзәккә үтте бит. Дөрес, синоптиклар көннәрнең җылынып, матурланып китәчәген вәгъдә итәләр. Иртәгә көндез һава температурасы 21 градуска күтәреләчәк. Төнлә нибары 13 кенә градус җылы. Аның каравы бездә су басулар, җир тетрәүләр, вулканнар юк дип күңелләрне тынычландырырга гына кала.