“Көндезге күзәтчелек отряды” хәрби-патриотик юнәлештәге смена үз эшен төгәлләде (фото)

Комплекслы программа нигезендә эшләгән сменада патриотик тәрбия бирү, хәрби һәм спорт әзерлегенә аеруча зур игътибар бирелде. Шулай ук егет-кызлар автоматтан төз ату, тигез сафларда йөрү, кул сугышы буенча да үзләренең осталыкларын чарлады, юл йөрү, беренче медицина ярдәме күрсәтү кагыйдәләрен искә төшерде. Полиция хезмәткәрләре лагерьда ял итүчеләр белән төрле хокук бозуларга багышланган кисәтү әңгәмәләре уздырды, спорт ярышлары оештырды.

Сменаның ябылу тантанасында район Эчке эшләр бүлеге начальнигы Рамил Нургалиев катнашып, егет-кызларга үзенең изге теләкләрен ирештерде. Яшь патриотлар күрсәтмә чыгышлар әзерләгәннәр иде. Төрле конкурсларда җиңү яулаучыларга истәлек бүләкләре тапшырылды, дип яза кукмор.16.мвд.рф сайты.