Гүзәл Идрисова: «Ашарга пешерү, өй җыештыру да – ял»

- Марселебезгә 4 ай булды инде. Шушы көннәрдә сөннәткә утырттык. 5 яшьлек олы улыбыз Камил балалар бакчасына йөри. Иртән аны әтисе илтеп куя. Уртанчыбыз Рамил өйдә, безнең белән. Көндез бергәләп саф һавага чыгабыз. Шунысы уңайлы - яныбызда гына урман бар. Кич Марсельне бергәләп бакчадан барып алабыз. Хәзер концертларга әзерләнәбез, шуңа көн тәртибебез бераз үзгәрә.

Балаларны үзебез белән йөртәбез. Ялларда мәҗлестә эшлисе булса, нянябызны чакыртабыз.

Әлбәттә, йокым туймый. Кечкенәбез төнлә өч-дүрт тапкыр уяна. Уртанчыбыз алтыда сикереп тора. Илназ өйдә булса - рәхәт, ул аларны тышка алып чыга. Мин ул арада өй җыештырам, ашарга пешерәм. Тынычлап ул эшләрне эшләсәң - үзе бер ял кебек.

Азалия ИСМӘГЫЙЛЕВА
Шәһри Казан