Һава торышы бозыла

18 июль көндез һәм кич җил секундына 23 метр тизлектә булырга мөмкин.

(Казан, 17 июль, "Татар-информ"). Татарстанда һава торышы бозыла, дип кисәтә синоптиклар.

17 июль кичендә һәм 18 июльдә республика территориясендә, шул исәптән Казанда, яшеннәр көтелә. Җилнең көчәюе секундына 15-20 метр тизлеккә җитәргә мөмкин. 18 июль көндез һәм кич җил секундына 23 метр тизлектә булачак, диелә хәбәрдә.

Моннан тыш, иртәгә иртән, көндез һәм кич регионда көчле яңгырлар көтелә.