Татарстанда 29 яңа коронавирус очрагы ачыкланган

Татарстанда узган тәүлектә 29 Covid-19 белән зарарлану очрагы ачыкланган. Бу хакта коронавирус буенча оператив штаб хәбәр итә, дип яза «Татар-информ». 

2 кеше хастаханәгә урнаштырылган, 27 кеше өйдә дәвалана. Шуларның 3се читтән кертелгән, 26сы элемтә нәтиҗәсендә. 

Казанда коронавирус йоктыруның 21 очрагы ачыкланды, Әлмәт районында – 2, Азнакай, Арча, Балтач, Биектау, Түбән Кама, Саба районнарында берәр очрак.

Татарстанда бөтен вакыт эчендә 6453 Covid-19 очрагы теркәлгән, 5258 кеше терелгән. 

Фото: «Татар-информ»