Лицей бинасы янындагы будкалар бер дә матур түгел

Күппрофильле лицей каршында ике электр будкасы бар. Ул бер яктан койма белән капланган булса да, Майский урамы ягыннан ачык. Әлеге бушлыкта ниләр генә юк: әрекмән, төрле үләннәр каплап киткән, башка чүп-чар да җитәрлек, кеше буе тигәнәк үсеп утыра. Мәктәп укучылары да гел шунда. Ул тирәне дә тәртипкә китерсеннәр иде, электр челтәре оешмасының әлеге будкаларны тышлап куярга да мөмкинлеге бардыр. Чөнки өр-яңа лицей бинасы янында кып-кызыл кирпеч будкалар бер дә матур түгел. Ян-ягын тулысынча койма белән әйләндереп алсалар, яхшы булыр иде.