“Тылсым”да өлкәннәр рәхәтләнеп ял итә

Без - егерме өч кеше - "Тылсым" халыкка социаль хезмәт күрсәтү үзәгендә чын күңелдән ял итеп, уйнап-көлеп, унбиш көн дәвамында дәваланып, сәламәтлегебезне ныгыттык. Бу көннәрне ничек үткәрербез инде дип борчылган идек, сизелми дә үтеп китте, бер ияләнгәч, хәтта өйгә дә кайтасы килми икән. Безне кояштай елмаеп Гүзәл белән Рәмзия каршы алды. Үзәк директоры Нурсия Мөбарәкова һәм берсеннән-берсе ягымлы Гөлмира Омарова, Ленара Шәйдуллина, Рамилә Абрамова, Оля Михайлова, Ләйлә Иванова, Зуләрә Хөснетдиновалар үз эшләренең осталары. Пешерүчеләрнең дә ризыклары ашап туймаслык иде. Дәваханәдән килеп, лекцияләр укыган табиблар Рашат Җиһаншин, Екатерина Андреевалар безне ягымлы сүзләре белән дә дәваладылар. Беренче мәктәп укучылары әзерләгән концерт та һәркемнең күңеленә хуш килде. Күкләребез һәрвакыт аяз булып, тагын шулай ял итәргә язсын.

Нурзидә ЗИАТДИНОВА, Камышлы