Нигә лампочкалар янмый?

Ут баганалары бар, ә аларда лампочкалар янмый. Чиркәүгә чыга торган тыкрыкта, АТХга бару юлында, Степан Разин урамына төшкәндә кичке якта бик куркыныч, чөнки ут баганаларында лампочкалар янмый. Әлеге проблема кайчан хәл ителер икән?

Кукмараның Пионер һәм Парк урамнарында яшәүчеләр

Сорауга шәһәр башкарма комитеты җитәкчесе Райнур НОТФУЛЛИН җавап бирде:

- Хатта күрсәтелгән урамнардагы утның януы төнге вакытта тикшерелеп чыгылды. Әлеге мәгълүматның дөреслеге hәм янмаучы лампаларның урыннары ачыкланды. Бүгенге көндә әлеге проблема хәл ителде.
Алга таба урам уты буенча сорауларыгыз булса, шәһәр башкарма комитетына  2-63-04 телефоны буенча хәбәр итүегез сорала.