Хезмәт даны
  • Рус Тат
  • Намаз һәм сәхәр вакыты үзгәрәчәк

    Шул уңайдан намаз укучы һәм ураза тотучы мөселманнар 2-3 май көннәрендә ястү намазы һәм сәхәр тәмамлану вакытлары үзгәрүгә игътибар итәргә онытмасын иде. 

    - Мине генә түгел, күп кешене борчый торган сораудыр бу. Соңгы елларда май башында ястү намазы керү вакыты һәм сәхәр тәмам булган вакыт үзгәрә иде. Быел әлеге үзгәреш Рамазан аена туры килә: ягъни 3 майдан ястү намазы 1 сәгать алдан башлана, ә 4 майдан сәхәр 2 сәгатькә диярлек соңрак тәмамлана. Гыйбадәт вакытының шулай кинәт үзгәрүенең сәбәбе нәрсәдә икән?

    Кукмарадан Сания апагыз   

    Сорауга Кукмара мәдрәсәсе директоры Ришат хәзрәт КУРАМШИН җавап бирде:

    - Билгеле булганча, мөселманнар яши торган җирлекнең географик үзенчәлегенә бәйле рәвештә, ел фасылына карап, кояшның чыгу һәм бату вакыты үзгәрә. Әйтик, Россия җирлегендә кышкы вакытта кояш офыктан әллә ни күп күтәрелми, шул сәбәпле бу чорда көн кыска, ә төннәр озын була. Җәй көне исә кояш офыктан шактый югары күтәрелгәнгә, көннәр озыная, ә төннәр шактый кыскара, хәтта шундый бер вакыт була ки, кояш бик иртә чыгу һәм бик соң бату сәбәпле, караңгылык тулысынча төшми, һәм  4-5 майдан башлап, 7-8 августка кадәр чын мәгънәдәге төн асылда булмый. Шуңа күрә галимнәр бу вакыт өчен ястү һәм иртәнге намазларның вакытын уртача күрсәткечләргә нигезләнеп билгели. Шул уңайдан намаз укучы һәм ураза тотучы мөселманнар 2-3 май көннәрендә ястү намазы һәм сәхәр тәмамлану вакытлары үзгәрүгә игътибар итәргә онытмасын иде. 

    фото: Татар-информ

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: