Татар эстрадасы йолдызы Лэйна якташларына үзизоляцияләү режимын ничек уздыруы турында сөйләде

Без Лэйнаның үз-үзеңне изоляцияләү режимы вакытында ниләр эшләве белән кызыксындык. Җырчы үз-үзеңне изоляцияләү режимы вакытында күңелсезләнеп утырмый, әти-әнисе янында кунак була, иҗат, спорт белән шөгыльләнә икән.

«Үзизоляцияләүдә үземнең социаль челтәрләр өчен контент төшерәм, беркем дә күңелсезләнмәсен өчен төрле флешмоблар ясыйбыз. Миңа калса, бу - яңа аудитория туплау өчен иң кулай вакыт. Мине беркем дә эштән бүлми, шуның өчен рәхәтләнеп иркенләп иҗат итәм: күп җырлар язам, спорт белән шөгыльләнәм. Көн саен туганнарым һәм дусларым белән видео аша элемтәгә керәм. Әти-әниемне тәм-томнар белән сыйлыйм», - ди җырчы.

Якташыбыз сүзләренә караганда, ул студиядә күбрәк вакыт уздырып, тыңлаучыларын яңа җырлар белән сөендерү өчен үзизоляцияләү режимының төгәлләнүен түземсезләнеп көтә.

«Кәефегезне төшермәгез. Тиздән күрешербез», – дип мөрәҗәгать итә Лэйна үзен яратучы тамашачыларга.

фото: www.instagram.com/leyna_ka/