Олы яшьтәге хатын чүпне яндырырга маташкан һәм дачадан мәхрүм калган
Утны сүндерергә теләп, ул битен, аяк-кулларын пешергән
Татарстаның Питрәч районында ут белән саксыз эш итү аркасында “Петрово” бакчачылык ширкәтендәге дача йорты янган. Бу хакта Татарстан Гадәттән тыш хәлләр министрылыгының матбугат хезмәте хәбәр итә.
“12:23 сәгатьтә Гадәттән тыш хәлләр министрлыгына 112 системасы буенча Питрәч районының “Петрово” бакчачылык ширкәтендә дача януы турында хәбәр килде”, - диелә хәбәрдә.
Янгын сүндерчеләр килгәндә, 24 квадрат метрлы дача йортын ут камап алган була. Шулай ук 300 квадрат метрда коры үлән дә янган.
Янгында 1937 нче елгы хатын-кыз зыян күргән. Пенсионерның бите, аяк-куллары пешкән, аны Питрәч хастаханәсенә алып киткәннәр.
Фото: ГУ МЧС России по РТ
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев