Өлкәннәр көне уңаеннан “Урал” хуҗалыгы җитәкчесе Газинур Хәбибрахманов , авыл җирлеге башлыгы Илфат Мифтаховлар кирәкле азык-төлек тутырылган пакет өләштеләр

Халыкара өлкәннәр көне уңаеннан “Урал” хуҗалыгы җитәкчесе Газинур Хәбибрахманов, авыл җирлеге башлыгы Илфат Мифтаховлар  ике килограмм тәмле сыер мае, кирәкле азык-төлек тутырылган пакет өләштеләр. Алар безне ел саен искә алалар, онытмыйлар, һәрдаим сөендереп торалар. Быел исә авылыбызның имам-хатыйбы Хәкимҗан хәзрәт белән аның ярдәмчесе Илнат тырышлыгы нәтиҗәсендә мәчеттән дә бәйрәм күчтәнәчләре бирделәр. Көн дә мәчетебездә моңлы азан тавышы яңгырый, менә тиздән мәдрәсә дә үзенең ишекләрен ачар. Безне - өлкәннәрне шулай олылаулары өчен барчасына да олы ихтирамыбызны җиткерәбез, эшләрендә уңышлар телибез.
Каенсар авылы халкы исеменнән Кәүсәрия САБИРҖАНОВА