Кукмаралылар республика фестивалендә катнашты

Казанда балалар техник иҗатын үстерү һәм аңа ярдәм итү максатында, Татарстан муниципаль берәмлекләренең республика фестивале узды. Анда “Галактика” балалар иҗаты үзәге укучылары да катнашты. Балалар инженерлык командалары конкурсында “Robo-тяга” командасы (Ильяс Саттаров, Данис Галәветдинов, Камил Гарифуллин) беренче урын яулады. “Мин – оста” конкурсында Никита Бочкарев һәм Йолдыз Камаловалар икенче урынга лаек булды.