Фото: Олыязда “Поле чудес” уены үткәрелгән

Рус халкының йөзек кашы - язучы, шагыйрь Александр Сергеевич Пушкинның тууына 219 ел булу уңаеннан Олыяз авылы китапханәсендә мәктәптә лагерьга йөрүче укучылар һәм аларның тәрбиячеләре белән берлектә “Пушкин әкиятләре буенча сәяхәт” исемле “Поле чудес” уены оештырдык. Уенга сораулар Пушкинның тормыш һәм иҗат юлы, аның әкиятләре буенча төзелгән иде. Укучылар үзләрен бик яхшы яктан гына күрсәттеләр, катлаулы сорауларга да тиз генә җавап бирделәр. Шуның белән алар үзләренең белемнәрен, Пушкинның иҗатын яхшы белүләрен һәм китап укырга яратуларын күрсәттеләр.
Сөмбелә КАМАЛИЕВА