2018 елдан соң туган беренче һәм өченче балага бирелә торган түләү турында

Татарстан Республикасы Министрлар Кабинеты 2018нче елның 09 февралендә кабул ителгән 67нче номерлы карары нигезендә 2018 елның 1 гыйнварыннан авыл җирлегендә яшәүче әниләргә бер тапкыр бирелә торган түләү акчасы билгеләнә.

Әни кеше беренче баласын 25 яшь тулганчы алып кайтса 50000 сум;

29 яшь тулганчы өченче баласын алып кайткан әниләргә 100000 сум булачак.

Әмма бу акчаны алуның махсус шартлары бар. Бу шартлар түбәндәгеләр:

-Баланың 2018 елның 1 гыйнварыннан соң туган булуы;

-Әнинең дә, баланың да РФ гражданлыгы булырга тиеш;

-Авыл җирлегендә 3 ел яшәгән булуы.

-Бала туганнан соң 6 ай эчендә мөрәҗәгать итәргә кирәк.

Бер тапкыр бирелә торган түләү акчасын билгеләү өчен түбәндәге документлар тапшырыла:

-паспорт

-бала туу турында таныклык

-банкта ачылган счет реквизитлары.

Районда ел башыннан беренче балага 50 мең сум күләмендәге түләүне – 68, өченче бала өчен 100 мең сумны 10 ана алган.

Аш-Буҗи авылыннан Рузалия Миннемуллина 100 мең сумга ия булды.

Мөрәҗәгать итү өчен телефоннар: 2-83-94, 2-61-09, 2-76-11.

«Кукмор Татарстан» МАКС каналына язылыгыз