Зур Сәрдектә хисап җыелышы үтте (+фото)

Зур Сәрдек авыл җирлегендә район Башкарма комитетының 2014 елгы эш нәтиҗәләре буенча хисап җыелышы үтте. Анда җирлек башлыгы Минефәрт Фәттәхов, Зур Сәрдек гимназиясе директоры Илнур Закиров, участок инспекторы Марс Хисмәтуллин, Исток Агро оешмасы җитәкчесе Илнур Шәрәфиев, район социаль яклау бүлеге җитәкчесе Светлана Җамалиева, район Башкарма комитеты җитәкчесе урынбасары Чулпан Хәнәфина, район Пенсия фонды идарәсе җитәкчесе Әлфинур Сабитовалар чыгыш ясады. Район җитәкчесе Сергей Димитриев 2014 елда районда башкарылган эшләр белән таныштырды, киләчәккә бурычлар билгеләде. Ахырдан җыелышта катнашучылар үзләрен кызыксындырган сорауларны бирделәр.