Хезмәт даны
  • Рус Тат
  • Тырыш клубына Яңа ел кичәсенә килүчеләрне җигүле ат каршылады

    Безнең Тырыш авылы халкы бәйрәмнәрне бик ярата. Быел клубыбыз ишегалдында кардан ясалган Кыш бабай белән Кар кызын "утырткан" җигүле ат сыны авылдашларны, кунакларны шаккатырды. Җигүле ат ничек киендерелсә, бу ат та шулай "чын" итеп ясалган иде. Инде менә берничә ел рәттән мондый сыннар ясау буенча авылыбызның мәдәният йорты җитәкчесе Ринат...

    Безнең Тырыш авылы халкы бәйрәмнәрне бик ярата. Быел клубыбыз ишегалдында кардан ясалган Кыш бабай белән Кар кызын "утырткан" җигүле ат сыны авылдашларны, кунакларны шаккатырды. Җигүле ат ничек киендерелсә, бу ат та шулай "чын" итеп ясалган иде. Инде менә берничә ел рәттән мондый сыннар ясау буенча авылыбызның мәдәният йорты җитәкчесе Ринат Шәрәфетдинов беренче урынны алып килә. Быелгы Яңа ел кичәсендә дә ул бөтен туганнары белән төрле образларга кереп "киенеп", мәзәк ясады. Ә Яңа ел кичәбезне карарга якын-тирә авыллардан да килүчеләр бар иде. Залда басып торырлык урын булмагач, күпләр фойеда калдылар.

    -Кичәнең шундый күңелле узуына 11 сыйныф укучысы Илсөяр Галиәхмәтованың ярдәме зур булды, - диде Ринат.

    Реклама

    Елдагыча, яңа елның беренче көнендә лотерея билеты уйнату оештырылды. Быел әлеге уен өчен 400 данә билет сатылган.

    -Башка авылларда билет сатып алучы юк диләр. Мин билет ясый-ясый арып беттем, - ди елмаеп Ринат. Бу көнне шулай ук концерты да, мәзәкләре дә, бүләкләре дә шәп булды.

    Фәридә ХИСАМОВА

    Нравится
    Поделиться:
    Реклама
    Комментарии (0)
    Осталось символов: