“Шәфкать”тә Сабантуй бәйрәме узды (+Фото)

Кичә "Шәфкать" балаларны һәм яшүсмерләрне тернәкләндерү үзәгендә милли бәйрәм - Сабантуй үтте.

Үзәк җитәкчесе Рәзинә Галиәхмәтова сүзләренә караганда, быел биредә Кукмарадан гына түгел, күрше-тирә районнардан да килеп, 540 бала үзенең сәламәтлеген ныгыткан. Ел дәвамында балалар төрле конкурс-бәйгеләрдә дә актив катнашканнар. Аларның һәммәсенә истәлек бүләкләре һәм Дипломнар тапшырылды.

Тантаналы өлештән соң, бәйрәм милли уеннар, концерт номерлары белән үрелеп дәвам итте. Сабантуйдан һәркем иганәчеләр ярдәме белән алынган бүләкләрне алып, күтәренке кәеф белән таралышты.