Райондашыбызда газетаның элеккеге фотохәбәрчесе Садрый Минһаҗев төшергән фоторәсем сакланган

Газетаның элеккеге фотокорреспонденты Садрый Минһаҗев истәлегенә "Кабатланмас мизгел" дигән конкурс игълан ителгәнен белгәч, Садрый үзе төшергән фоторәсемнәрне алып килдем әле, - дип килеп керде редакциябезгә Зур Кукмараның Вахит урамында яшәүче Саймә апа Рәхмәтуллина. - Элек безнең авылда зур алма бакчасы бар иде. Садрый ел саен килеп безне фоторәсемгә төшерде. Иптәш кызым, инде мәрхүмә Разыя белән моннан 57 ел элек төшкән элеге рәсем Казандагы авыл хуҗалыгы күргәзмәсендә дә торды әле. Безгә ул чакларда 18-19 яшь иде.

"Бу дөньяда һәркем мәңге түгел, яшьлек үтү белән югала. Яшь гомерне искә алу өчен, төшкән рәсем, язган сүз кала" дип язылган әлеге фоторәсем артына.