Поч.Кучук җирлегендә хисап җыелышы үтте (+фото)

Авыл җирлекләрендә хисап җыелышлары дәвам итә. 26 авыл җирлегендә халык белән очрашулар узды. Халык белән очрашып-сөйләшүнең чираттагысы Поч.Кучук җирлегендә үтте. Анда җирлек башлыгы Фәнис Гайнетдинов, Россия эчке эшләр министрлыгының Кукмара районы буенча бүлеге начальнигы Рамил Нургалиев, "Сөт иле" оешмасының "Дружба" филиалы җитәкчесе Айрат Сафин, район Пенсия фонды идарәсе җитәкчесе Әлфинур Сабитова һәм башкалар чыгыш ясады. Район җитәкчесе Сергей Димитриев 2014 елда районда башкарылган эшләр белән таныштырды, максат һәм бурычларны билгеләп үтте.