Кукмарада иртәгә яңгыр явуы көтелә

Бүген кояш күзләрне чагылдырса, иртәгә көн болытлы булып, көне буе яңгыр явып торачак, дип хәбәр итә синоптиклар. Җылылык 6-7 градус булачак. Шимбәдә дә көне буе яңгыр көтелә, көндез һава 9 градуска кадәр җылыначак. Кичкә аязып, минус 1 градуска кадәр суытып җибәрәчәк. Төнлә бераз кар явуы көтелә. Якшәмбе иртәсе аяз һәм 8 градуска кадәр җылы булачак. Көндез һәм кичен болытлы һава һәм бераз яңгыр көтелә. Яңгырлар ял көннәребезнең ямен алыр дип хафаланмагыз, алар җиребезнең йөзен юып, табигатьне сафландыра, шулай ук җирне дым белән баета.

фото: https://yandex.ru