Коррупциягә һәм наркоманиягә каршы көрәш комиссияләренең утырышы булды

Коррупциягә һәм наркоманиягә каршы көрәш буенча район комиссияләренең чираттагы утырышлары булды. Анда коррупцияне һәм наркоманияне кисәтү буенча хокук саклау органнарында, авыл җирлекләрендә, үзәк дәваханәдә, гомумбелем бирү учреждениеләрендә башкарылган эшләргә нәтиҗә ясалды. Утырышта район прокуроры Минемулла Нәҗипов, район эчке эшләр бүлеге җитәкчесе Рамил Нургалиев, Кукмара үзәк район дәваханәсенең баш табибы Равил Хәлиев, милек һәм җир мөнәсәбәтләре палатасы рәисе Марсель Төхбәтуллин, шулай ук мәдәният идарәсе җитәкчесе Рамил Нуриев, социаль яклау бүлеге җитәкчесе Светлана Җамалиева, мәгариф идарәсе җитәкчесе урынбасары Альбина Гаянова, имам-мөхтәсиб Зиннур Сәмигуллин, наркоманиягә каршы көрәш комиссиясе секретаре Светлана Шәрәфиевалар катнашты һәм чыгыш ясады. Утырышта җирлекләре башлыклары катнашты. Утырышны район җитәкчесе Сергей Димитриев алып барды.