Чаллыда Алла Пугачева рәсеме төшкән кабер ташлары пәйда булган

Чаллы үзәгендә урнашкан бер остаханәдә Алла Пугачева фотосы төшкән кабер ташларын рекламалыйлар.

Бу хакта җырчыны хөрмәт итүче тамашачылары хәбәр итте. Карап торышка әлеге остаханә башкаларыннан берни белән аерылмый: фотога төшәргә, визалар ясатырга, төрле вак-төяк сатып алырга була... Әмма игътибарны иң беренче булып Алла Пугачева фотосы төшерелгән кабер ташы җәлеп итә. Туган һәм "үлгән" елларына кадәр язылган, хәтта.

Үзенең шәхесен шул рәвешле мыскыл итүләрен белсә, җырчы әлеге остаханәне судка бирә алыр иде, ди хокук белгечләре.

Интертат.ру
№ --- | 01.10.2015