Заһидуллина Асия Насыйр кызының 70 яшьлек юбилее!

Алтын көзнең сары-кызыл яфраклы матур көннәренең берсендә безнең кадерле әниебез, әбиебез Заһидуллина Асия Насыйр кызының гомер бәйрәме – 70 яшьлек юбилее.

Кадерлебез! Сине ихластан юбилеең белән тәбрик итәбез. Туар таңнарың тыныч, саулыгың нык, гомерең бәхетле, бәхетең гомерле булсын. Синең кебек сабыр, тырыш, миһербанлы, саф күңелле әниләр бик сирәктер. Син – безнең өчен таяныч та, яклаучыбыз да, саклаучыбыз да һәм бикле ишегебезгә ачык йозагыбыз да. Киләчәктә тынычлыкта, муллыкта, саулыгың белән безне сөендереп яшәргә язсын сиңа, әнием.

Иң изге теләкләр белән сине яратып кызың Миләүшә, киявең Рашит, яраткан оныгың Булат.