Рәхмәтебез чиксез

Безне борчыган бәхәсле сорауларны тыңлап, аларны хәл итүдә ярдәм күрсәткәннәре өчен Татарстан Республикасы Дәүләт Советы депутаты Римма Ратниковага, район башлыгы Сергей Димитриевка Кукмараның Береговая, Спорт урамнарында яшәүчеләр исеменнән олы хөрмәтебезне белдерәбез. Эш шунда: Магистральная урамыннан безгә таба керүче юл ябылып, машиналар йөрү өчен тоткарлык тудырылган иде. Хәзер бу юл ачык. Кукмара халкы өчен уңайлыклар тудырганнары өчен әлеге шәхесләргә зур рәхмәт.

Иван Григорьев, пенсионер