“Әй балачак, балачак, искә төшә торган чак” дигән темага язмалар көтәбез

Һәркемнең нәни вакыттагы маҗаралары, балачак юләрлекләре күңелнең бер почмагында яшеренеп, кытыклап ятадыр ул. Уйларыңны җыеп, каләмеңне ак биткә тидерү була, балачак шуклыклары үзеннән-үзе кәгазьне чуарлый башлыйлар. Бер генә мизгелгә мәшәкатьсез, иң бәхетле сабый чагыңа кайтып киләсең. Газетабыз битләрендә генә булса да, без бу гүзәл дөньяга сәяхәт кылырга булдык. Сездән, хөрмәтле газета укучыларыбыз, кадерле истәлекләрегез белән уртаклашуыгызны көтеп калабыз. Ә бүген "Әй балачак, балачак, искә төшә торган чак" дигән темага язмаларыгызны юллагыз. Безнең электрон адрес: kukmor-gazeta@mal.ru.