Хезмәт даны

Кукмара районы

18+
Рус Тат
Җәмгыять

Уразай авылы турысындагы юл төзелеше кайчан төгәлләнер икән?

Уразай авылы турысында юл казылып, күпер салуга керешкәннәренә ике ай була инде, эш кенә бармый. "Юл эшләре бара" дигән язу бар, кисәтү билгеләре куелган үзе. Янәшәдә ясалган әйләнеч юл начар, аннан зур, прицеплы машиналар уза алмый. Бер КамАЗ машинасы юл читенә төшкән, аны трактор белән өстерәтеп маташалар, бер машина бәрелеп...

Уразай авылы турысында юл казылып, күпер салуга керешкәннәренә ике ай була инде, эш кенә бармый. "Юл эшләре бара" дигән язу бар, кисәтү билгеләре куелган үзе. Янәшәдә ясалган әйләнеч юл начар, аннан зур, прицеплы машиналар уза алмый. Бер КамАЗ машинасы юл читенә төшкән, аны трактор белән өстерәтеп маташалар, бер машина бәрелеп бордюрны ваткан, берсе туктап калган иде. Ике көндә шундый өч очракны күрдем.

Раил ШАКИРОВ, Яңа Сәрдек авылы

Илгиз НӘБИЕВ, Сәрдекбаш авыл җирлеге башлыгы:

-Бу федераль юл, безнең карамакта түгел, әмма бу эшкә алынган оешма хезмәткәрләренә мөмкин кадәр булышырга тырышабыз. Әлеге урында төп эшләр башкарылган инде, төгәлләү өчен һава торышы комачаулый. Моннан тыш, бу оешманың районыбызда башка төзү объектлары да бар, бәлки, җитешмиләрдер.

Фәрит ИБРАҺИМОВ, "Базовый проект" җәмгыяте җитәкчесе:

-Бу урынга күпер түгел, торба салынды. Беренчедән, эш соң гына - көзен башланды. Әлеге көндә торба өчен дә бюджеттан бирелергә тиешле акча алынмаган, үз акчабызны тотарга туры килде. Эшне җиренә җиткерү өчен көннәрнең салкынайтып, җирнең катырганын көтәбез. Юеш карлы көннәрдә эшне сыйфатлы итеп башкарып, бу урынны каток белән тигезләп булмый.

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев