Кукмарада юл фаҗигасендә яшь егетнең гомере өзелгән (фото)

автор, 19 июль 2016 - 06:05

1516

Узган атнада районыбызда килеп чыккан юл-транспорт һәлакәтләрендә ике кешенең гомере өзелде. 15 июльдә, 16.40 сәгатьләр тирәсендә Иске Юмья авылы ягыннан Кукмарага таба хәрәкәт итүче ВАЗ-21099 автомобиле шоферы юл чатында юл йөрү кагыйдәсен боза һәм чит ил автомобиле белән бәрелешә. ВАЗ-21099 автомобиленең 1994 елгы шоферы алынган тән җәрәхәтләреннән урында ук һәлак...

Узган атнада районыбызда килеп чыккан юл-транспорт һәлакәтләрендә ике кешенең гомере өзелде.

15 июльдә, 16.40 сәгатьләр тирәсендә Иске Юмья авылы ягыннан Кукмарага таба хәрәкәт итүче ВАЗ-21099 автомобиле шоферы юл чатында юл йөрү кагыйдәсен боза һәм чит ил автомобиле белән бәрелешә. ВАЗ-21099 автомобиленең 1994 елгы шоферы алынган тән җәрәхәтләреннән урында ук һәлак була, дип хәбәр итте ЮХИДИ начальнигы Фирдүс Фәхретдинов.

Юлларда һәркем сак һәм игътибарлы булсын, юл йөрү кагыйдәләрен төгәл үтәсен иде.

Гомере өзелгән егетнең якыннары, дуслары һәм туганнарының авыр кайгыларын уртаклашабыз.

фото http://kukmor-ovd.ru