Кукмарада юл фаҗигасе: ВАЗ-21099 җәяүлене бәрдергән (фото)

28 декабрьдә, сәгать 07.00дә, Кукмара-Шәмәрдән-Олыяз юлының 20 чакрымында юл фаҗигасе булды, дип хәбәр иттеләр район юл хәрәкәте иминлеге дәүләт инспекциясеннән. ВАЗ-21099 автомобиле шоферы - 54 яшьлек ир-ат, Олыяз авылы ягыннан Балыклы юнәлешендә хәрәкәт иткәндә юл йөрү кагыйдәсен бозып, иминлекне тәэмин итүче тизлекне сакламавы нәтиҗәсендә күпердә каршы як полосага чыга һәм җәяүлене бәрдерә. Зыян күргән 58 яшьлек ир кеше төрле тән җәрәхәтләре белән район үзәк дәваанәсенә җибәрелә.

Фотолар ЮХИДИдән, фаҗига урыныннан алынды.