Татарстанда тәүлек эчендә коронавирусның тагын 48 яңа очрагы ачыкланган

Татарстанда узган тәүлектә коронавирусның 48 яңа очрагы ачыкланган. Бу хакта ТРда коронавирус буенча оператив штаб хәбәр итә.

Барысы да якыннан аралашканда йоктырылган. 22 кеше дәваханәгә салынган, 26 кеше өйләрендә дәвалана.

Казанда – 15, Яр Чаллыда – 13, Баулы районында – 6, Яшел Үзән, Менделеевск, Түбән Кама районнарында - икешәр, Әлмәт, Биектау, Кама Тамагы, Лаеш, Минзәлә, Яңа Чишмә, Нурлат, Балык Бистәсе районнарында - берәр авыру очрагы ачыкланган.

Бөтен вакыт эчендә Татарстанда Covid-19ның 18 927 очрагы теркәлгән, 15 712  кеше терелгән, шул исәптән 85 - узган тәүлектә.

Фото: «Татар-информ» МА