Татарстанда стоянкаларда автомобильләрне саклау бәясен арттыру планлаштырыла

Тарифлар буенча дәүләт комитеты «Юл хәрәкәте иминлеге» өчен махсуслаштырылган мәйданчыкларда тоткарланган транспорт чараларын саклауга тарифлар билгеләү турында карар проектын бастырды. Документ коррупциягә каршы экспертиза уза.

Әгәр бүгенге көндә А, А1, М һәм В1 категорияләре булган машина йөртүчеләр өчен транспорт чарасын саклауның бәясе 1 көннән 3 көнгә 35 сум тәшкил итсә, карар кабул ителгән очракта, ул 2030 елга 50 сумга кадәр артачак. 

В, D1 һәм С1 категорияләре булган йөртүчеләр өчен тариф 1-3 көндә сәгатенә 70,44 сумнан 101 сумга кадәр күтәреләчәк.

C, D, BE, C1E һәм D1E категорияләре белән — хезмәтләр бәясе 140 сумнан 202 сумга кадәр артачак.

CE һәм DE категорияләре өчен шулай ук 176 сумнан 272 сумга кадәр арттыруны көтәргә кирәк.

Габаритсыз транспорт чаралары өчен тарифны 211 сумнан 303 сумга кадәр арттыру планлаштырыла. Шул ук вакытта саклау бәясе барлык категорияләр өчен тәүлегенә 1 200 сумнан 1 720 сумга кадәр артачак (4нче тәүлектән 30нчы көнгә кадәр).

Фото: «Татар-информ» МА