Татарстанда СOVID-19 белән авыручылар саны дүрт тапкырга кимегән

Татарстанда кискен респиратор вируслы инфекцияләр һәм грипп белән авыру очраклары артуы теркәлә. Бу хакта «Татар-информ» МА хәбәр итә.

Республика Роспотребнадзоры мәгълүматлары буенча, 2025 елның 24 ноябреннән 30 ноябренә кадәр 13,7 мең очрак теркәлгән. Бу бер атна элек булган саннарга караганда 36,9 процентка күбрәк. Шул ук вакытта бу күрсәткеч эпидемия бусагасыннан 15,7 процентка түбәнрәк кала. Авыруның иң зур үсеше 7–14 яшьлек мәктәп укучылары арасында күзәтелгән.

Шул ук вакытта бер атна эчендә COVID-19 белән авыруның 223 очрагы теркәлгән, бу узган елның шул чорына караганда 3,8 тапкырга кимрәк.

Республикада вакцинация кампаниясе дәвам итә: 2 миллионнан артык кеше прививка ясаткан, бу Татарстан халкының 51,7 процентын тәшкил итә.

Фото: Эльвира Иванова/ «Кукмор-информ»