Татарстанда коронавирус инфекциясенең тагын 828 очрагы расланган

Стопкоронавирус.рф порталы мәгълүматларыннан күренгәнчә, узган тәүлектә Татарстанда тагын 828 кеше коронавирус инфекциясе йоктырган. 86 пациент хастаханәгә озатылган. Бу хакта  «Татар-информ» МА яза.

Пандемия башланганнан алып республикада коронавирус инфекциясенең 163 710 очрагы ачыкланган, 152 888 кеше (шуларның 374е – узган тәүлектә) терелгән.

Коронавирустан вафат булучылар саны элеккечә кала – 2003.

фото: «Татар-информ» МА