Роспотребнадзор: Россиядә COVID-19 очракларының 99%ы «Стратус» штаммына туры килә

Россия Федерациясе территориясендә COVID-19 белән зарарлану очракларының абсолют күпчелеге — 99 проценты — яңа XFG (Stratus) вариантына туры килә. Бу хакта Роспотребнадзор белгечләре геном мониторингы нәтиҗәләренә таянып хәбәр итте, лип яза «Татар- информ» МА. 

GISAID халыкара мәгълүмат базасы күрсәткәнчә, бу штамм дөньякүләм дәрәҗәдә дә беренче урынга чыкты. Глобаль масштабта аның өлеше уртача 65 процент тәшкил итә. Аерым алганда, АКШта яңа очракларның 75 проценты, ә Бөекбританиядә яртысы нәкъ менә «Стратус» варианты белән бәйле.