Кукмарада Вологдадан ялган риелторны хөкем иттеләр

Кукмара районы прокуратурасы Вологда шәһәреннән 26 яшьлек кешегә карата җинаять эше буенча дәүләт гаепләвен хуплады. Суд аны мошенниклык гамәлләре кылуда гаепле дип тапты.

2022 елның мартыннан декабренә кадәр ир-ат, гражданнарның акчаларын урлау максатыннан, социаль челтәрләрнең берсендә торак биналарны арендага бирү турында ялган белдерүләр урнаштыра. Алга таба ул, алдан түләү алып, акчаны үзләштерә һәм элемтәгә чыгудан туктый.

Ялган риелтор гамәлләреннән Татарстан, Вологда, Мәскәү, Санкт-Петербург, Ростов на-Дону һәм Иркутскидан 21 кеше 400 мең сумнан артык зыян күрә.

Ир-ат үз гаебен таныды һәм урлаганны кире кайтарды. Суд аны шуның кадәрле сынау срогы белән 2 елга ирегеннән мәхрүм итү җәзасы билгеләде.

Хөкем карары законлы көченә әле кермәде.