Кукмарада административ күзәтчелекне бозган өчен ир-ат шартлы срокка хөкем ителгән

Кукмара районы прокуратурасы элек хөкем ителгән 42 яшьлек кешегә карата җинаять эше буенча дәүләт гаепләвен хуплады. Суд аны федераль закон нигезендә суд тарафыннан билгеләнгән чикләүләрне берничә тапкыр үтәмәүдә гаепле дип тапты.

2019 елның 25 октябреннән 2024 елның 15 июненә кадәр гаепләнүче, үзенә карата административ күзәтчелек һәм административ чикләүләр урнаштырылганын төгәл белеп, җитди сәбәпләрсез һәм полиция хезмәткәрләренә хәбәр итмичә, үз белдеге белән яшәү урынын калдырып, Кукмара районыннан читкә китә.

Ир-ат үз гаебен таныды. Суд аны 6 ай сынау срогы белән, шартлы рәвештә 4 айга ирегеннән мәхрүм итте.

Хөкем карары законлы көченә әле кермәде.