Кукмара Сабан туенда җырчы һәм пародияче Рифат Зарипов чыгыш ясаячак

Кукмара Сабан туенда татар эстрадасы йолдызы, җырчы һәм пародияче Рифат Зарипов һәм аның иҗат төркеме, шулай ук «Джива»шоуы төркеме чыгыш ясаячак. Бу хакта Кукмара районы мәдәният бүлеге хәбәр итә.

Сабантуй 13 июньдә узачак. Бәйрәмне ачу 10.00 сәгатьтә Киндеркүл авылы янындагы аланда була.

Концерт программасының хедлайнеры - Рифат Зарипов. Шулай ук «Джива» шоу төркеме, район артистлары һәм коллективлары чыгыш ясаячак. Чыгышлар 12.00 сәгатькә планлаштырылган.

Фото: «Татар-информ» МА