«Хезмәт даны» газетасы редакциясе хезмәткәрләре коронавирустан вакцинаның икенче компонентын ясатты

Моннан нәкъ өч атна элек «Татмедиа» АҖ филиалы «Хезмәт даны» газетасы редакциясе журналисты Ризилә Корбанова һәм сайт мөхәррире Эльвира Мөбарәкшина коронавирус инфекциясеннән «Спутник V» вакцинасының беренче компонентын ясаттылар. Бүген алар вакцинаның икенче компонентын алдылар.

Алар дәүләт хезмәтләре порталында «Сәламәтлек торышын күзәтү көндәлеге» алып бара. Прививкадан соң температура күтәрелү һәм башка билгеләр күзәтелмәде. Бары тик инъекция керткән урында гына бераз авырту сизелде, дип билгеләп үттеләр.