Татарстанда агымдагы елда мондый пособиенең күләме 15 615 сум тәшкил итә.
Татарстанда балалы гаиләләрнең ана капиталы акчасы исәбеннән айлык акчалата түләү алу хокукы бар. Мондый ярдәм чарасы билгеле бер таләпләргә туры килгән ата-аналар өчен каралган. Түләүне кемнәр рәсмиләштерә ала. Бу хакта «Татар-информ» МА яза.
Айлык түләүнең суммасы конкрет төбәктә балалар өчен билгеләнгән яшәү минимумы күләменә бәйләнгән. Татарстанда агымдагы елда мондый пособиенең күләме 15 615 сум тәшкил итә.
Түләүне билгеләү өчен гаилә берничә критерийга туры килергә тиеш. Беренче чиратта, ана капитал счетында элек кулланылмаган акча калуы зарур. Тагын бер мәҗбүри шарт баланың яшенә бәйле: аңа 3 яшь тулмаган булырга тиеш. Әгәр гаиләдә бу яшькә җитмәгән берничә бала тәрбияләнсә, түләүне аларның һәркайсына рәсмиләштерергә мөмкин. Шул ук вакытта ата-аналарга бер гариза тапшыру да җитә.
Моннан тыш, гаиләнең матди хәле исәпкә алына. Җан башына уртача керем яшәү минимумының билгеләнгән икеләтә күләменнән артмаска тиеш. Татарстанда агымдагы елда әлеге күрсәткеч 15 073 сумга тигез.
Фото: «Татар-информ» МА
Нет комментариев