Шигърият
Язның беренче бәйрәме 8 Март белән!
(Хөрмәтле хатын-кызларыбызга) Язның беренче бәйрәмен Сигезенче март диләр. Бу канунны үзгәртмичә Безгә яшәү шарт диләр. Чөнки шушы язгы бәйрәм Бик күп шатлык китерә. Кояш көлә - карлар эри Иң бәхетле иттерә. Гүзәл затлар сезгә әйтәм Бәйрәмнәр котлы булсын. Һәммәбезнең өстәлендә Ризыклар тулып торсын. Бу бит әле хатын-кызның Көткән иң зур...
(Хөрмәтле хатын-кызларыбызга)
Язның беренче бәйрәмен
Сигезенче март диләр.
Бу канунны үзгәртмичә
Безгә яшәү шарт диләр.
Чөнки шушы язгы бәйрәм
Бик күп шатлык китерә.
Кояш көлә - карлар эри
Иң бәхетле иттерә.
Гүзәл затлар сезгә әйтәм
Бәйрәмнәр котлы булсын.
Һәммәбезнең өстәлендә
Ризыклар тулып торсын.
Бу бит әле хатын-кызның
Көткән иң зур бәйрәме
Бу көндә ул иң бәхетле
Ала чәчәк бәйләме.
Сөйгәнеңнән булса чәчәк
Бу үзе бер могҗиза
Тормышыңнан канәгать бул
Гел булып яшә риза.
Мондый бәйрәм көндә килми
Кадерләрен белеп кал.
Бүләк кечкенә - зур булмый
Елмаеп кулыннан ал.
Хатын-кызның сөйкемлелеге
Гел елмаеп торуда.
Сөйгән ярың белән генә
Матур тормыш коруда.
Шушы матур яз бәйрәмен
Бергәләп каршы алыйк.
Моңа һәммәбез лаеклы
Изге теләктә калыйк.
Язын-җәен-көзен-кышын
Өзми яшик өметне.
Кушылыгыз теләгемә
Һәркем булсын бәхетле.
Сайрый-сайрый туган якка
Тиздән кайтырлар кошлар
Сәламәтлек, озын гомер
Телим мин сезгә дуслар!!!
Масхуда ШАКИРОВА
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев