Кукмарада ришвәтчелеккә каршы көрәш көне алдыннан семинар узды

Кукмарада Халыкара коррупциягә каршы көрәш көне алдыннан район Советы бинасында «Җирле үзидарә органнарында һәм аның карамагындагы учреждениеләрдә коррупцияне профилактикалау» темасына семинар үткәрелде.

Семинарда протоиерей, Кукмара Петр һәм Павел чиркәве настоятеле Сергий атакай Елисеев, район имам-мөхтәсибе Рәдиф хәзрәт Тимергалиев, район прокурорының өлкән ярдәмчесе Вилнур Кәримовлар чыгыш ясады.

«Безнең бурыч — коррупцияне профилактикалау, хезмәткәрләребезне уйламыйча эшли торган гамәлләрдән саклап калу. Чөнки ялгышлык закон бозучының үзе өчен дә, якыннары өчен дә тискәре нәтиҗәләргә китерергә мөмкин», — дип билгеләп үтте район башлыгының коррупциягә каршы тору мәсьәләләре буенча ярдәмчесе Рашат Гарифуллин.

Фото: Алсу Гатауллина/ «Кукмор-информ»