Ураза – фарыз гамәл

Раббыбыз Аллаһы Тәгалә Үзненең изге китабы Коръәндә әйтте: "Әй мөэминнәр! Сездән әүвәлгеләргә фарыз ителгән кебек, сезгә дә (һәр елны бер ай) ураза тоту фарыз ителде. Шушы фарыз гамәлне үтәп, бәлки, сез дә тәкъвалык (һәм котылу) юлына басарсыз..." ("Бәкара" сүрәсе, 183 аять).

Пәйгамбәребез Мөхәммәд гәләйһиссәләм үзенең бер мөбарәк хәдисендә әйтте: "Ислам дине биш нәрсәгә нигезләнә: Аллаһтан башка илаһ юклыгына һәм Мөхәммәднең Аллаһ илчесе булуына шаһитлык китерү, шулай ук намаз уку, зәкәт бирү, хаҗ кылу һәм Рамазан аенда ураза тоту".