Сорау-җавап

Мин Ядегәр авылының Дружба урамында яшим. Каршы Гагарин урамында яшәүче күршеләр егерме ел элек Дружба урамына сайгак ярдырып өеп куйганнар иде, хәзер ул агач материаллары череп, бөтен урамны ямьсезләп ята. Шулар ук язгы су юлын каплап, бөтен урам сазга әйләнде.

Расим САДЫЙКОВ, Ядегәр авылы

Әлеге хатка район Башкарма комитеты җитәкчесе Азат ГАРИФУЛЛИННАН түбәндәге җавап алынды:

-Ядегәр авылының Дружба һәм Гагарин урамнарында яшәүче ике күрше арасындагы аңлашылмаучанлык күптәннән килгән. Аларның икесе белән дә очрашып сөйләшенде, уртак фикергә килделәр. Язгы су проблемасын бары тик урамга канау казып кына чишеп була. Һәм бу эш якын арада эшләнер, чарасы күрелер. Урамны кыска вакыт эчендә агач материалларыннан чистартуны таләп итеп, кисәтү биреләчәк.