Мәмәшир клубында өлкәннәр үзләренең истәлекләрен яңартты (фото)

Мәмәшир авылы мәдәният йортында, мәдәният, театр көннәре уңаеннан, "Җәүһәр" клубына йөрүчеләр белән "Сәхнә дигән олы тәхет" дигән кичә үткәрелде. Чарада моннан 20-25 ел элек спектакльләр уйнап йөргән өлкән үзешчәннәребез үзләренең истәлекләрен яңарттылар.Татарстан радиосында эшләгән Нигъмәтуллин Харис абый хезмәт чорында аралашкан халкыбызның күренекле шәхесләре С.Садыйкова, Г.Кайбицкая, З.Басыйрова һ.б. турында сөйләп үтте. Җирле шагыйрәләр яңа шигырьләрен укыдылар. Кичә барышында спектакльләрдән дуэтлар, ялгыз җырлар башкарылды. Кичә табын артында дәвам итте, дип яза "Наш Кукмор".