Кукмараның талантлы укучылары Арчадан җиңү белән кайтты

Арчада бөек шагыйрь Габдулла Тукайның тууына 131 ел тулуга багышланган "Арча ягы - данлы Тукай ягы" дигән республикакүләм балалар иҗаты конкурсы узды. Бәйгедә Кукмара балалар сәнгать мәктәбе укучылары да музыкаль уен коралларында үзләренең осталыгын күрсәтте.

"Скрипка" номинациясендә Илназ Мөбарәкшин 1 дәрәҗә (җитәкчесе Э.Гомәрова) лауреат булды.

"Фортепиано" номинациясендә Ильяс Нигъмәтуллин, Дилә Мәхмүдова, Милана Раимовага - икенче, Наилә Закирҗановага (җитәкчеләре Д.Мамкина) өченче дәрәҗә лауреат, Замирә Мөхетдиновага (җитәкчесе С.Семенова) - беренче, Алия Әминовага (җитәкчесе З.Юзмеева) - икенче, Эльвина Кәримовага (җитәкчесе Д.Бариева) өченче дәрәҗә дипломант дипломнары бирелде.

"Баян" номинациясендә Салават Минныханов (җитәкчесе Д.Рафиков) өченче дәрәҗә лауреат, Йосыф Харрасов (Д.Рафиков), Сәет Хаммадиев (җитәкчесе Э.Мостафин) - икенче, Инсаф Гарипов (җитәкчесе Г.Гарипова) өченче дәрәҗә дипломантлар булды.

"Гитара" номинациясендә Альмир Әхмәдиев (җитәкчесе Л.Галимуллина) өченче дәрәҗә лауреат булды.

Әмир Фаләхов, Андрей Сабанаев, Ислам Хәбибуллин, Булат Гәрәевларга катнашучы дипломнары тапшырылды.