Кукмаралылар танылган бакчачы Фарсель Зыятдинов белән очрашты (фотолар)

Район үзәк китапханәсенә галим, танылган бакчачы Фарсель Зыятдинов килде. Бакча эшләрен, җиләк-җимеш үстерергә яратучы кукмаралылар Фарсель абый белән очрашуга бик теләп килгәннәр. Башкала кунагына һәркем үзен кызыксындырган сорауларны бирде. Берәүләр виноград үстерү тәртибе белән кызыксынды, икенчеләр кишерләрнең тармакланып үсүенә, бәрәңгеләрдә таплар, тирән тишемнәр булуга үзенең борчылуын белдерде. Шулай ук очрашуда җирне ашлау, алмагачларга су сибү тәртибе, теләдән котылу, май коңгызына, бәрәңге кортына каршы көрәш ысуллары турында да сөйләшенде. Ике сәгатькә якын барган очрашудан һәркем үзенә кирәкле мәгълүматлар алып таралышты.

Очрашуны китапханәче Алсу Баһавиева алып барды.

Эльвира Мөбарәкшина фотолары