Кукмарада хокук бозу очракларын тикшерделәр

Татарстан Юстиция министры урынбасары Мөхәрләм Ибәтов җитәкчелегендәге эшче группа Кукмара муниципаль районында хокук бозуларны кисәтү буенча эшнең торышын тикшерде. Төрле министрлык вәкилләре район административ комиссиясендә, эчке эшләр бүлегендә, мәгариф, мәдәният, мәшгульлек, социаль яклау бүлекләре учреждениеләрендә халыкның куркынычсызлыгын тәэмин итү, хокук бозуларны кисәтү, халыкның мәшгульлеген булдыру, наркоманиягә, эчкечелеккә каршы көрәш чаралары күрү буенча эшнең торышы белән таныштылар. Һәр тармакта башкарылган эшләргә уңай бәя куелды, булган кимчелекләр күрсәтелде.