Хуҗиәхмәтов Миннәхмәт Хуҗиәхмәт улы белән Сәрия Гаян кызының бергә тормыш коруларына 50 ел.

Татар Толлысы авылында яшәүче Хуҗиәхмәтов Миннәхмәт Хуҗиәхмәт улы белән Сәрия Гаян кызының бергә тормыш коруларына 50 ел.

Кадерлеләребез, сезне гомерләрегезнең алтын мизгеле белән чын күңелдән тәбрик итәбез. Сез илле ел буе иңгә иң куеп, шатлык-борчуларны уртаклашып, авырлыкларны бергә җиңеп, бер җан булып яшәгәнсез. Безгә - биш кызыгызга яшәү бүләк итеп, олы тормышка хәер-фатыйха бирдегез. Сезнең исән-сау, безнең янәшәдә булуыгыз - бик зур бәхет. Алга таба да сөекле әти-әни, яраткан әби-бабай булып, туганнарның хөрмәтен тоеп, озын, бәрәкәтле гомер кичерергә язсын.

Иң изге теләкләр белән кызларыгыз, кияүләрегез, оныкларыгыз, туганнарыгыз.