Гашура бәйрәме белән!

Бүген Гашура бәйрәме. Гашура - Пәйгамбәрләрне һәм Аллаһ илчеләрен искә алу көне. Бу көнне күп пәйгамбәрләр бәхетсезлекләрдән, төрле афәтләрдән котылып калган булганнар.

Бер хәдистә язылганча, Гашура көнендә ураза тоту мөселманны үткәндәге һәм киләчәктәге гөнаһларыннан чистарта. Ә бу көнне бирелгән сәдака бөртеге өчен дә Аллаһы Тәгалә Ухуд тавы кадәр әҗер бирер, диелә. Шуңа Гашура көнендә сәдакалар бирәләр, балаларны, якыннарны шатландыралар, догалар укыйлар һәм башка саваплы гамәлләр кылалар.